Awtoulaglaryň hereketlendirijilerini we mehanizmlerini döwülmekden heläkçiliklerden meýletin ätiýaçlandyryş

"Harydyň bahasyny ýazyň" bölüminde ätiýaçlandyryljak desganyň (telefon, ýük, awtoulag we ş.m.) durýan nyrhyny görkeziň. Has giňişleýin maglumat üçin +993 64 065666 belgä jaň ediň.

Töwekgelçilikleriň ady:

1. 1-nji bölüm - Awtoulaglaryň hereketlendirijilerini we mehanizmlerini döwülmekden (heläkçiliklerden) meýletin ätiýaçlandyryş Kadalarynda bellenen ýagdaýlaryň, şol sanda wakalaryň  netijesinde ätiýaçlandyrylan emlägiň ýok bolmagy ýa-da oňa zeper ýetmegi

2. 2-nji bölüm - Ätiýaçlandyrylan zatlaryñ öñünden görülmedik ýagdaýynda döwülmegi ýa-da ýetmezçilikleri 

3. 3-nji bölüm - Ätiýaçlandyrýanyñ işgärleriniñ ýa-da üçünji şahslaryñ ýalñyşlary ýa-da seresapsyzlygy 

4. 4-nji bölüm - Troslaryñ we zynjyrlaryñ üzülmegi, ätiýaçlandyrylan zatlaryñ ýykylmagy (gaçmagy) we olaryñ başga zatlara urulmagy (degmegi) 

5. 5-nji bölüm - Mehanizmiñ artyk işlemegi, aşa gyzmagy, wibrasiýasy, näsazlygy, zaýalanmagy, başga zatlar bilen hapalanmagy, mehanizmiñ içinde basyşyñ üýtgemegi, merkezden daşlaşýan güýjüñ täsiri we mehanizmiñ «ýadawlygy» 

6. 6-nji bölüm - Gazanlardaky ýa-da buguñ, suwuklyklaryñ kömegi bilen işleýän apparatlarda gidrawliki urgy ýa-da suwuklyklaryñ ýetmezçiligi 

7. 7-nji bölüm - Gysga utgaşma, elektrik ulgamynyň artyk ýük düşmegi, güýjenmäniň gowşamagy, howa derejesi görnüşinde elektrik energiýasynyň täsiri, şol sanda şol hadysalaryň netijesinde ýüze çykan zyýan, eger zyýan gönüden-göni olarda ýangyn dörän predmetlere ýetirilen bolsa 

8. 8-nji bölüm - Bug gazanlarynyň, içinden otlanýan hereketlendirijileriň we we beýleki energiýa çeşmeleriniň partlamagy, diňe agzalyp geçilen, olarda partlama ýüze çykan zatlara (predmetlere) ýetirilen zyýanyň öwezi dolunýan şertinde 

9. 9-nji bölüm - Goşmaça enjamlaryň, gorag ýa-da düzgünleşdiriji gurluşlaryň döwülmegi ýa-da näsazlygy

10. 10-nji bölüm - Ýel, aýaz, buzuñ akyp gitmegi

Ätiýaçlandyryş obýektleri

1. Şu Kadalara laýyklykda ätiýaçlandyryş şertnamasy boýunça ätiýaçlandyryş obýekti  Ätiýaçlandyrýanyñ ýa-da Bähbit görüjiniñ ätiýaçlandyryş şertnamasynda görkezilen emläge (awtoulaglaryň hereketlendirijilerine, mehanizmlerine, enjamlara we gurallara) (ätiýaçlandyryş predmeti) eýelik etmek we ygtyýar etmek bilen baglanyşykly bähbitleri bolup durýar.
2. Eger ätiýaçlandyryş şertnamasynda başgaça görkezilmedik bolsa, ätiýaçlandyryş şulara degişli bolmaýar: 
1)matrisalar, formalar, ülñüler, klişeler we şoña meñzeş zatlar;
2)lampalar, akkumulýatorlar, burowlar, kesgiçler, byçgynyñ tygy, çalgy daşlary, prokladkalar, rezin tekerler, çekiler, troslar ýaly döwürleýin çalşyrylmaga degişli zatlar;
3)ýangyç-çalgy materiallary, himikatlar, sowadyjy suwuklyklar we gaýry kömekçi materallar;
4)ätiýaçlandyrylan predmetler (zatlar) arkaly öndürilýän ýa-da işlenip bejerilýän önümler. 
3. Şeýle hem aşakdakylaryñ gymmaty ätiýaçlandyryş bilen ýapylmaýar:
1)ätiýaçlandyrylan emläk taýýarlananda ýa-da abatlananda ýol berlen ýetmezçilikleriñ düzedilmegi;
2)mehaniki, howa, himiki ýa-da temperatura faktorlarynyñ täsiri bilen predmetiñ tebigy könelmegi we kem-kemden üýtgemegi;
3)gytaklaýyn zyýan (hususan-da, önümçiligi kemelmegi sebäpli ýitgiler);
4)hereket edýän kanunçylygyñ kadalaryna ýa-da hili kepillendiriş şertnamasynyñ şertlerine laýyklykda onuñ üçin ätiýaçlandyrylan enjamlar bilen üpjün edijiniñ ýa-da olary öndürijiniñ ýa-da ätiýaçlandyrylan enjamlary gurnamagy amala aşyran potratçynyñ jogapkärçilik çekýän zyýany. 
Emma görkezilen taraplaryñ öz günäsini boýun almaýan, zyýanyñ bolsa şu Kadalaryñ 13-nji böleginde görkezilen ätiýaçlandyryş halatynyñ netijesinde ýüze çykan ýagdaýynda Ätiýaçlandyryjy şol zyýanyñ öwezini dolýar we şu Kadalaryñ 46-njy bölegine laýyklykda, özüniñ ätiýaçlandyryşyñ netijesinde öwezi dolunan zyýanyñ ýetirilmegi üçin jogapkär şahsa talap bildirmek hukugyndan peýdalanýar.
4. Emläk diňe şertnamada görkezilen çägiň çäklerinde ätiýaçlandyrylan hasap edilýär. Eger ätiýaçlandyrylan emläk şol ätiýaçlandyryş çäginden çykyp gidýän bolsa, onda bu emläk babatynda ätiýaçlandyryş şertnamasy hereket etmeýär.